17.05.2012 15:16

Ég er hetja og líka rasisti

Málið er nefnilega að ég lifi ennþá, hef verið í þrem bílveltum og a.m.k. tveimur árekstrum. Miðað við þau sem lifðu af fjöldamorðin í Útey þá hlýt ég að teljast hetja þó ég hafi ekki gert neitt markvert annað en að lifa af. Ég gerði ekkert sérstaklega til að aðrir sem voru með í bílunum lifðu af, þegar ég hafði einhverja möguleika til að hafa áhrif var ég fyrst og fremst að bjarga eigin skinni, það að aðrir nutu góðs af því líka var góður bónus.

Ég er líka rasisti, þar sem mér finnst ekki gáfulegt að leyfður sé takmarkalaus straumur innflytjenda og "flóttamanna" til þeirra landa sem ég tengist og hef búið í. Það að ég hef ekkert á móti innflytjendunum eða flóttamönnunum sem slíkum hefur ekkert með málið að gera. Bara sú staðreynd að ég vil sjá að almenn skynsemi sé notuð við þessa ímynduðu hjálp sem verið er að veita með því að opna landamæri fyrir efnahagsflóttafólki. Jafnvel þó þessir flóttamenn eða innflytjendur séu af sama kynþætti og ég er það næg ástæða til að stimpla mig sem kynþáttahatara.

Útvötnun orða er ákaflega þreytandi og gerir lítið annað en að draga úr málstað þeirra sem ofnota orð eða nota þau á rangan hátt.