Í dag er 1. júní.
Fannst ég bara þurfa að minna fólk á það.

Ignorance is bliss

Já, nei, ekki þá Valborgu! Í dag er Valborgsmässafton, sem einhvern tíma var vorjafndægurshátíð í Norður Evrópu en var eins og margar hátíðir fengin að láni af kristnum og færð til í almanakinu til að passa við einhverja skáldsöguna.

Þetta þýðir að í dag er stuttur dagur hjá mér, bara hálfur vinnudagur. Mjög vinsælt hjá Svíum að hafa hálfan frídag sem undanfara raunverulega frídagsins - ég ætla ekki að kvarta mikið yfir því.

Svíar fagna Valborg með botnlausu fylleríi úti á víðavangi og með kvarti og kveini í fjölmiðlum yfir unglingadrykkju sem "er alveg einstök í heiminum" og ýmis konar uppástungum um hvernig sé hægt að koma í veg fyrir hana.

Nú er talað um að einn þriðji áfengis sem neytt er í Svíþjóð sé keypt erlendis og flutt inn ýmist löglega eða ólöglega. Einhverri mannvitsbrekkunni datt raunverulega í hug að leiðin til að minnka þessa drykkju væri einfaldlega hefðbundna sænska leiðin, hækka bara skattana! Hvernig það á að minnka ólöglegan innflutning á áfengi er eitthvað sem erfitt er að sjá en eflaust verður það samt reynt - Svíar eru nefnilega sannfærðir um að leiðin til að leysa öll vandamál sé að hækka skatta og búa til einhverja opinbera stofnun í kringum það.

Var að lesa að tvö snjóflóð hafi fallið á milli Ólafsfjarðar og Dalvíkur í nótt. Væri áhugavert að sjá hversu mörg flóð hafa fallið þarna bara í vetur og samtals síðan göngin voru byggð og sjá hversu mikið allur þessi mokstur og skemmdir hafa kostað. Út frá því mætti síðan kannski reikna hversu mikið þessi frekar illa staðsettu einbreiðu göng hafa síðan "sparað" miðað við að byggja lengri, tvíbreið og betur staðsett göng eins og bæði heimamenn og Norðmennirnir sem byggðu göngin vildu gera á sínum tíma.

Síðan mætti nota þær tölur til að meta hvort pólitískar sparnaðaraðgerðir spara nokkuð í raunveruleikanum.

Fyrirsögn á mbl.is:

"Íslandsmót byrjaði með látum"

og svo er greinin um skák!