Skíðaferðinni lokið og þá tók við aðeins lengri rúntur. Er nú staddur í Gautaborg á IT Security sýningu til að hlusta á fyrirlestra um hvernig eigi að verjast árásum inn á tölvukerfi. Helv... áhugaverðir fyrirlestrar í dag þó ég held að morgundagurinn verði talsvert áhugaverðari - og styttri!

Þá ætla ég loksins að komast á skíði aftur. Skrepp í Vallåsen á morgun. Ekki beinlínis risasvæði en þægilega nærri mér hérna á flatlendinu, bara rétt rúmlega klukkutíma akstur. Lengsta brekkan ca. 1100 metrar með 145m fallhæð. Það sleppur alveg til þó það sé kannski svolítið í flatara lagi.

Man vonandi eftir að taka með mér myndavélina og smella af nokkrum myndum!

Svei mér ef þetta er ekki besti hugsanlegi tíminn til að pakka saman og koma sér heim, allt á leið til helvítis á Íslandi, þ.e. það sem ekki var þegar komið langleiðina þangað. Held reyndar að Óli hafi gert rétt - ef á að setja þessa klafa á landann er nú varla til of mikils ætlast að fólk fái að segja sitt um það.

Er einhver sem hefur getað staðið við slíkt?
Engin áramótaheit hjá mér nú frekar en venjulega, nema kannski helst að fara nú að drattast til að sinna heimilisbókhaldinu en þar sem ég hef nú gert það heit oft og mörgum sinnum og aldrei staðið við það býst ég ekki við efndum nú frekar en fyrri daginn. Reyndar aldrei verið áramótaheit hjá mér, kannski ég geri það að slíku til að prófa einu sinni!

og takk fyrir það gamla!