Þar kom að því - ég lét hafa mig á skauta í gær. Deildin sem ég vinn í hjá MultiQ var með kick-out á nýrri vöru og því var ákveðið að skella sér í íshokkí. Ég ákvað að það væri ekkert vit í að bíða með þetta lengur svo ég mætti auðvitað með.

Eftir að hafa eytt óþægilega löngum tíma inni í pínulitlu herbergi þar sem allt var fullt af notuðum sokkum og öðrum útbúnaði til íshokkíspilunar og látið meta okkur í stærð og fá afhentar viðeigandi græjur fórum við í annað stærra herbergi og fylltum það af sömu græjum.

Síðan tók við hálftíma basl við að komast í græjurnar og eftir það var bara farið beint út á ísinn! Ég lét nú duga að skauta rólega meðfram battanum til að byrja með en skellti mér svo í leikinn um leið og byrjað var að spila. Það skilaði ekki miklum árangri svo ég færði mig yfir á auða helming íssins og reyndi að skauta aðeins um til að ná jafnvæginu áður en ég dembdi mér aftur í leikinn.

Eftir það gekk þetta aðeins betur, náði meira að segja einu skoti á mark og það án þess að falla flatur sem er meira en flestir þarna gátu sagt! Nú er bara að kaupa sér hokkígræjur og stefna á landsliðið, hversu margir Íslendingar geta sagt hafa fengið borgað fyrir að spila íshokkí í Svíþjóð?

Hvað er gaman að þessu? "I natt kommer första snöfallet". Bara sisvona, fyrsta snjókoman á Skáni verður í nótt - ekkert óvænt skaferí eða neitt, bara tilkynnt í blöðunum að á morgun þarftu að skafa góurinn!

Eins gott að þeir standi þá við þetta!

Eða skítfúlt að minnsta kosti, nú er búið að aflýsa bæði John Pinette og Marilyn Manson!

Ég er ekki sáttur!

Ísland um jólin! Kláraði kaup á flugmiðum áðan. Verð reyndar bara á Höfuðborgarsvæðinu og nánasta nágrenni í þessari ferð en verð aldrei þessu vant líklega með bíl og nægan tíma svo ég kannski get farið aðeins út úr húsi og komist út á meðal fólks. Skemmtileg tilbreyting það.

Skrifaði um daginn um tónleikaárið mikla hjá mér og Gumma. Nú erum við og Stína líka að nálgast sama magn og gæði í stand-up-i. Í vor sáum við Jeff Dunham í Forum í Kaupmannahöfn, þið vitið, þessi með Achmed the dead terrorist og hinn óviðjafnanlega Peanut.
Í desember verður svo sjálfur Eddie Izzard hérna í Malmö Arena og að sjálfsögðu verðum við á staðnum og núna rétt í þessu var Stína snillingur að redda miðum á hinn frábæra John Pinette. Sennilega ekki margir sem þekkja til hans en hann gaf út geisladiskinn "Show me the buffet" fyrir allmörgum árum.